为金钱而努力

今年既十一比较特别，因为今年取消左五一，同埋我买左部K200锦耐都未出去影过相。今年十一根据小白领导既指示，我地决定去贵州肇兴同广西三江果边去体验下D少数民族D风情。

9.29  12：00我地一行7人系东站集合等待12：40既K586次列车向三江出发。部车系深圳出发来到广州已经好多人，我地逼左好耐先逼左上车。我地系电话订票所以D位唔系连埋一起，本来林住系车度同人调下位应该无问题，点知哩个世界真系有D锦贱既人，自己一个人坐车都唔肯调位，仲要鬼锦激动，好似调左位距会S锦。哩个世界真系咩人都有。我地坐部车都几新，又干净，就系空调唔系好凉。因为要坐16个钟火车，我地用尽各种办法去打发时间，打机，体书，听歌，打牌，倾计，不过最好既方法都系训觉。我平时就算坐公车我一上车都训得着，但系今次唔知点解我系部车度竟然会训唔着，我唔单只训唔着，我仲无胃口吃野。我系部火车度16个钟乜都无吃，同埋无训觉，我净系饮左支脉动，就捱左16个钟。

9.30  6：00经过16个钟既火车，我地终于到左三江火车站，因为火车站离县城都几远，我地包左部车去县城既汽车站，准备左最早果班车去肇兴。去肇兴既班车7：00开，见仲有时间我地就系车站外面吃左碗粉。7：00我地上坐去肇兴既汽车继续我地既行程，由三江到肇兴哩段泥路真系好烂，坐到我晕下晕下，条路仲好大尘，搞到我成身都系尘。最惨既系我仲未训得着，神志非常清醒锦系部车度摇左2个几钟，好彩到左贵州地界之后D路就变翻沥青路，部车终于无锦摇，到左贵州就开始进入山路，系D山度再转做个几钟，11：00终于到左我地第一个目的地肇兴。经过差唔多24个钟既车程，我地终于可以休息下。我地系“过客居”订左房。过客居系一条河旁边，隔离有条系既风雨桥，同一座鼓楼。

一入房我就趴系张床度唔想郁。挣扎左好耐我先起身去冲凉，冲完凉成个人都精神晒。梳洗完我地就系公路边求其稳左间店吃饭。跟住我地带齐装备，出去领略肇兴侗族既风情。肇兴唔大，只有一条公路经过，哩度D楼全部都系木楼，好有特色。

我地沿住公路一直行，周围有好多鼓楼，当地居民好多都系度整紧竹笙。行左一圈，老咩发现左一个好型既法国男人带住一家大细系度行紧，距一见到就好兴奋，系都要同个法国男人一家影相。倾左一阵，终于还左老咩心愿同影左张相。

兜左几圈，我地翻旅馆休息左阵就出去吃晚饭。吃完晚饭班女人话想体侗族表演，我地班男人对哩D无乜兴趣，锦班女人就去体表演，我地男人就去坐间吧度吹水。间吧都几静几舒服，一杯黑俄罗斯25蚊，平过广州D吧，不过分量就少D。吹左阵水就翻房训觉。

10.1  8：00我地起身吃左碗当地既南瓜粥就向堂安出发，我地一路系山间既梯田步行，感受早晨清新既空气，乡间独特既泥土气息，感觉好舒服。

沿途既梯田见到好多居民系度收割成熟既稻穗，有D小朋友就系田间游玩，我地仲见到羊，马哩D系城市见唔到既动物。

我地行左2个几钟行到堂安，系堂安休息左一阵，系堂安影左阵相就回程。差唔多翻到肇兴，竟然比我地遇到当地既竹笙比赛。当地人都着主D侗族服饰，好靓。好多人一起跳舞，吹竹笙，好热闹。

翻到肇兴大家都有D攰，冲左凉都训觉。我就怕夜晚训唔着，一个人出左去行，行左一阵我就到翻寻晚间吧度左，叫左一杯Tequila日落，体住日落系度发呆，之后发觉日落既景色同D酒既颜色真系好衬，原来Tequila日落哩个名系锦意思。坐左3个钟我杯野都未饮到一半，体来做我生意真系唔系锦抵，嘻嘻！之后大头同肥仔都过左来，再坐左阵，大家都醒左就去吃饭。因为第朝要赶早车，所以吃完饭大家就翻房休息。肇兴系侗族聚居既地方，好安静，好舒服，D居民好友善。有机会我会再来。

10.2  7：00我地起身拾好野出发等班车翻三江。我地吃完早餐系路边等车，7点几有车来不过我地见人多无上到，跟住等啊等，等到10点先有第二班，果部车仲多人，但系都无办法系锦逼系锦逼，逼左上车。点知个司机开左无几耐就话太多人赶左我地落车，好彩果时有部到地坪既车来左，我地就上左车先，去到地坪再转车。我地上车既时候肥仔太急，竟然拿错左第个人既行李包，不过好彩果个行李既主人系坐哩部车，真系好巧。系到地坪既车度，我地识左个外国人，距讲普通话讲得好好。距中文名叫马良（我唔知系唔系锦写），系波兰人，来中国一年，系北师大做物理老师，距系北京坐火车到桂林，就桂林，阳朔，龙胜，程阳，肇兴锦玩上去，而家就翻三江坐车去桂林再翻北京。我真系好佩服距，我同距用普通话倾左好耐，距完全听得明，讲又讲得好，真系好犀利。到左地坪，我地又遇到一对外国人，距地想去黎平再转车去凯里，但系因为语言问题左左来地坪既车，我地就顺便帮距地稳车到黎平。跟住我地就包车去贵州同广西既交界度等车翻三江。果度全部都系泥路，一有车经过就沙尘滚滚，好难顶。不过过边D人好劲伽，完全当D尘无到，仲劲过D吸尘机。之后马良都来左。果时锦岩有几个人包车去三江，30蚊一个人，距地人少就林住叫马良一起，但系马良无坐距地车，马良同我地讲哩度有好多班车去三江唔使包车，锦会平好多。原来外国人都好识悭钱。等到部从江到三江既车，又一路沙尘滚滚，摇翻三江。4点到三江，跟住就坐去程阳既车。到程阳差唔5点，我地洗程阳招待所住，因为时间唔多我地放低行李洗个面就出去。程阳有附近最大既风雨桥，周边有八寨，河边有水车，风景唔错。

我地匆匆行左下程阳桥附近，乱拍左一阵天色已经黑，我地吃完饭就翻旅馆，之后我地几个男人就拿埋三脚架出去影夜景。程阳桥附近好多射灯，影出来D光好似奇幻锦。

影左一阵我地就翻房训觉。

10.3   5：30手机既闹钟按时响左，我同大头林住早D起身去对面山上体下有无日出体。等我洗完面，大头同话外面好大雾乜都体唔到。我先留意到外面灰蒙蒙一片，连旁边D田都体唔清。我真系好失望，不过我都系唔死心，我照样拿部机同个脚架出去，希望有奇迹。我出到外面个天已经开始光，D雾好大，不过都未够我系衡山山顶果时D雾锦大。我急急脚锦向对面山行，对面座山唔高，不过因为空气好湿，行得快就会有D唔舒服。对面山有两座亭，我行到第一座亭，见到上面已经有人系度倾紧计，原来有人仲早过我。上左山D雾越来越大，我系第一个亭度影左几幅相见无乜野体就行去第二个亭。第二个亭比第一个亭大D有两层。我行左上第二层，山度始终都好大雾，乜都体唔到。我系山度体住周围朦朦胧胧既景色，吹住山风，不知不觉间我又系度发呆。突然我比一班女人声吵醒左，唔知几时有班女人来左，系个亭一层度倾计。距地好似系度帮距地其中一个影相，又话件衫要点着，又话个POSE要点摆，总之就好吵啦。比距地吵到我无心情林野。班女人系下面影相影得锦HIGH，我又唔好意思行落去打扰距地，锦我就系上面等。等左大半个钟距地终于走啦。等距地走左一阵，我都落山。岩落山就系程阳桥见到星星距地出来影相，锦我地就一起去影相。

同星星一起影相既时候我发觉我影D相主要都系D范围比较大既风景相，我好少影D细既野，唔知系唔系我唔够细心，我真系好少留意D细既野。同埋对D细既野我唔识点去特出主体，一路上我影左几张D花花草草都影得唔好。不过我发觉原来影微距都几有意思，以后我要多D学下影微距先得，等我D微距水平提高左我就去买支微距镜翻来玩下。

影左一圈，时间都唔早，我地系程阳桥附近吃左D早餐就翻旅馆拾野，准备翻三江再转车去桂林。我地系路边同D的士司机倾左下，翻三江5蚊一个人，价钱都OK就分两部的士去三江汽车站。我地到汽车站附近吃左D野休息左阵就继续坐车去桂林，三点几到桂林，因为老咩第日要翻工，肥仔又唔舒服，距地就系桂林买车票翻广州先。我地剩低既就继续向阳朔出发。到阳朔已经下午5点几，一落车我就去买4号晚翻广州既车票，不过已经卖晒，连去广州周边既票都无晒，锦我地几个就打电话稳朋友问仲有无票，问左好耐都系无票。无办法我地就先去稳房先。我地分开两TEAM去稳房，我、星星同小白去西街果边稳，LEO同大头去另一边稳。当我地岩行入西街既时候，系路边见到见车票代售点，虽然都知道应该无票，但系都锦林住博下，点知我地一问之下，个售票点既老细话仲有票，卧铺220一个人。我地听到就即刻买左先。跟住打电话比LEO同距讲话我地已经买到票，点知LEO同我讲话距地已经稳到房。突然之间好似乜问题都解决晒，真系柳暗花明又一村啊！搞掂左D票同住宿，成身都松晒。而家先有心情体下阳朔，西街无乜点变，同我一年前来差唔多，仲系锦多人，不过加油站附近就装左好多古典既路灯，我记得以前加油站果边系无路灯。我地去到旅馆放低D行李就去左吃饭，阳朔D啤酒鱼D味道都无点变，我始终都吃唔到有啤酒味。吃完饭我地兜住西街行左圈，西街好多人，D铺头好多野卖。行左一圈我地几个男人无买乜，两个女人就有唔少战利品。行完街都成12点，第朝要去漓江徒步，大家就翻旅馆休息。

10.4   8：00起身梳洗完，系外面吃左碗桂林米粉，跟住就系车站坐去杨堤既车。入到杨堤附近，我见到D红十字会既帐篷，我先林起年初哩边都系灾区。真系佩服D当地既村民。到左杨堤一落车就比好多阿婆围住帮距地买花生或者系租竹筏。有D烦，我地拿拿声买左徒步既票（第一段16蚊一个人）就去渡口左渡轮。由杨堤徒步去兴坪要坐三次渡轮，第一段16蚊包头两次渡轮，到九马画山渡口就算地二段4蚊一个人，全程一共20蚊。我地沿住漓江徒步，不时系江边既乡村穿过，江边既山水真系好靓，我觉得世界闻名既“喀斯特”地貌最精华既一段就系哩段。

江边既群山千姿百态，可以令你联想到好多野。行到中午，我地系路边既农家度吃左碗白粥，个当地人好健谈，一讲就唔使停，不过我地仲要赶路就同距告别，继续我地徒步行程。系半路仲有个好心既当地人教我地点样体九马画山等景点。过左九马画山渡口，就来到兴坪，突然接到售票点既电话，距话今晚本来九点既卧铺车提前到七点既座位车，真系晕，本来时间好充足既，突然提前就搞到我地D时间好赶。不过我地有求于人都无得SAY NO，唯有加快脚步行。行左一阵就到左20蚊背景既地方，不过我地发觉我地锦多个人竟然无人有20蚊，好彩岩好有个好心既当地人系旁边，我地问距借左张20蚊来体个背景。唔知系唔系天气问题，我影个20蚊既背景总系有D唔似，点都差D。

影左一阵我地就继续赶路，系20文背景前面唔远就系兴坪，我地就系兴坪坐车翻阳朔。翻到旅馆洗左下面，系西街间KFC搞掂晚餐就跟住间售票点D人去坐车。8点左右部车来到，我地本来以为系D好旧既车，好彩部车都几新几干净。部车系D私人车拿来私人营运，车度个工作人员同我地讲，如果有运政D人问到就话我地系旅行团，而家系桂林玩完翻广州。原来系野鸡车一部。部野鸡车唔行高速，全程国道，摇到我晕下晕下锦。可能我5号仲要翻学，我今次系部车度终于训到觉，虽然训得唔耐，都好过训唔着。

10.5   系锦摇啊摇，到5号凌晨5点几，岩岩出广佛快速到罗冲围，个司机就赶晒我地落车（本来间售票点系话部车会入省站）。不过都预左D野鸡车系锦伽啦，翻到广州先赶你落车已经算好好。锦我地就晕下晕下锦各自打的翻屋企。翻到屋企冲完凉拾下野我又够钟翻学。

就系锦我过左一个又充实又开心既十一，不过最遗憾既系我部K200未用熟，影出来D相影得唔好。我整理我D相既时候发现我影D相成功率好低，好多都对焦对唔好，有D就手震，有D就取景取唔好。我一定要多D影相，等我以后出去既时候可以影多D靓相。好多谢今次一起出去玩既朋友，多谢你地令我有一个开心难忘既旅程。

写哩篇流水帐竟然用左4个钟，我只系想记录下自己既心情，写得唔好希望各位唔好见怪，嘻嘻！